ARCEBISPO ORDENA NAI LULIK JESUITA NAIN TOLU

(RTKNews, Ed.05-11-2021)-Arcebispo Arquidiocese de Dili, Mgr  Dom Virgilio do Carmo da Silva SDB , iha loron 5 fulan Novembro 2021, fo ordenação ba Nai Lulik foun Nain tolu husi Congregação Jesuita Companha de Jesus.  Sira nain tolu nebe simu ordenação maka hanesan Diácono Edgerio Francisco Araujo Martins S.J., Diácono Herculano Pereira Moniz S.J. no Diácono Luis Pereira S.J. ho sira nia lema ordenação “Hare buat hotu foun iha Cristo”

Iha homilia, Arcebispo Dom Virgilio hateten, Vocação ne opção ida. Opção obriga atu husik, iha coragem atu hare buat nebe folin liu iha moris.

“Sem dúvida imi nain tolu durante iha moris lao hasoru ema oin-oin, liu husi acontecimento oin-oin e depois ikus mai lori imi atu foti decisão ida ba moris. Buat hotu mesak furak no diak maibe buat nebe imi hili dala ida ne maka diak liu ona” Dehan Dom Virgilio

Dom Virgilio hatutan ohin momento ordenação ida mos lao hamutu ho comemoração loron Santo no Beato husi Companha de Jesus.

“Ohin iha introdução ba Missa nebe ita rona katak tane as liu tan loron ida ne iha ita nia Arquidiocese ho imi nain tolu nia ordenação Sacerdotal nian. Buat sira ne hotu halo imi nia loron ordenação sai furak tanba imi nia ordenação sai momento encontro pessoal hanesan Santo Inacio ninian wainhira nia kanek ho ita Nain Jesus Cristo iha nebe halo imi descobre imi nia liberdade lolos, saran imi nia vida ba Maromak ba nafatin”

Iha fatin hanesan, Bispo da Diocese de Maliana Dom Norberto do Amaral iha nia discursso, husu atu Padre foun Nain tolu banati tuir Santo Inacio de Loyola nebe hatene haraik an.

“hau nia mensagem ba Padre foun nain tolu atu moris haraik an tuir Santo Inacio de loyola. Ita bele matenek boot maibe temque haraik an, laos matenek ona semo sae tiha ba loron leten hateke fali ita la hetan” dehan atual Presidente Conferência Espicopal Timorense ne.

 

 

 

Escritor: RC. Da Silva

Popular