CASO POSITIVO IHA DILI SAE FILA FALI

(RTKNews, Ed.12-08-2021)-Evolução surtu covid-19 iha Dili hahu a’as fila fali hafoin iha seman hira liu ba hatudu nia statistíca nebe tu’u. Centro Integrado Gestão de Crise (CIGC) liu husi comunicado imprenssa relata katak, ba loron ohin, 12-08-2021, caso confirmado positive hamutuk atus ida hitu (107).
Alem de Dili iha mos Municipío nebe caso nafatin iha no aumenta ba bebeik, hanesan Municipío Ermera ba loron ohin iha caso positive hamutuk tolu nulu resin hitu (37), Ainaro sanulu resin haat (14), Baucau Sanulu (10) Manufahi ne’en(6), RAEOA nain lima (5), Covalima ha’at(4), Liquiça tolu (3), Bobonaro rua (2) no Manatuto ida (1). Ho ida ida ne total caso confirmado ba loron ohin hamutuk atus ida ualu nulu resin sia (189) no caso ativo hamutuk rihun ida atus ualu rua nulu resin rua(1.822)
Iha comunicado ne mos relata kona ba condição paciente sira nebe agora dadauk halo hela tratamento iha sala isolamento Vera Cruz. Tuir comunicado ne’e agora dadauk iha paciente hamutuk tolu nulu resin ida (31). Iha área obstetricía nain sanulu (10) ho categoria leve hotu, medicina interna nain sanulu resin ualu (18) ho categoria nain hitu grave (ida usa oxigénio) nain sanulu (10) moderado no nain ida (1) leve, sirugia nain rua (2) ho categoria leve no pediatria nai ida (1) ho categoria leve.
Escritor: RC da Silva

Popular