EMBAIXADOR FOUN CUMPRIMENTA PRESIDENTE DA REPÚBLICA

(RTKNews, Ed.08-11-2021)-Embaixador foun ba Nação tolu, Belgica, Taílandia no Mosambique ohin loron 08-11-2021 cumprimenta Paresidente da República Francisco Guterres “Lu-Olo” iha Palacio Presidente Nicolau Lobato, Aitarak laran Dili.

Hafoin hasoru malu representante emabixador sira ne Francisco Branco ba jornalista hateten, nudar embaixador nebe atu ba halao kna’ar iha rai seluk, antes aranka temque ba cumprimenta Chefe do Estado hodi rona mos mensagem husi ema número um iha Nação ne.

“Ami representa continente tolu maka hanesan, União Europeia, Ásia no África. Emabixador Jorge Simões iha Bélgica, Juvêncio de Jesus Martins iha Taílandia no hau rasik iha Mosambique.hanesan bain-bain antes halao kna’ar hodi representa Estado iha ema nia rai,ami hakat mai hodi roan mos mensagem husi Chefe do Estado. Mensagem husi Presidente da República rasik husu atu embaixador sira representa Nação ho diak no ho dignidade no formas oin-oin atu halo aproximação ho paises nebe representa ho ita nia país” Dehan ex-Deputado bancada FRETILIN  ne’e.

Francisco Branco mos informa, nia ho embaixador Jorge Simões sei foti ain husi Timor-Leste iha lron 15 fulan Novembro tinan ida ne, enteranto emabaixador Juvêncio de Jesus Martins sei aranka iha loron 26 fulan Novembero tinan ida ne mos.

 

Escritro: RC. Da Silva

Reporter: Leo Rente

Popular