PADRE ALIPIO PINTO GUSMÃO ASSUME CARGO ADMINISTRADOR DIOCESANO DIOCESE DE BAUCAU

(RTKNews, Ed. 06-11-2021)-Antes Missa ba funeral Dom Basilio do Nascimento, iha loron 4-11-2021,iha Igreja Catedral Santo Antônio Baucau público rona anuncio ida kona se maka sei substitui provisoriomente Dom Basilio do Nascimento (Matebian) hodi lidera hikas Diocese Baucau. Se ita hare fali ba kotuk, iha 2002 wainhira Dom Carlos Filipe Ximenes Belo SDB, rezigna an, Amo Bispo Matebian Dom Basilio do Nascimento nudar Bispo Baucau ao mesmo temo sai mos Administrador Apostólico ba Diocese Dili to  Santa Sé nomea fali Dom Alberto Ricardo da Silva nudar Bispo Dili, situação hanesan mos quando Bispo Mgr Dom Alberto Ricardo da Silva husik hela mundo ne iha fulan abril 2015 dala ida tan Dom Basilio do Nascimento assume hikas cargo nudar Administrador Apostólico Diocese Dili nian to Dom Virgilio do Carmo da Silva hetan nomeação husi Santo Padre ba nudar Bispo da Diocese de Dili (Agora Arquidiocese). Situação foun ida mosu wainhira Dom Basilio husik hela mundo ne, laos Bispo ida maka provisório ba assume cargo nebe maka Dom Basilio husik hela maibe Padre ida, Padre ne maka Alipio Pinto Gusmão (Atual Pároco Paroquia Santo Antonio Manatuto) nebe maka lolos atu hetan nemeação ba Vigário Geral Diocese Baucau hodi troka hikas Matebian Padre Francisco Pinheiro. Maibe situação ne muda wainhira iha loron 30 fulan outubro 2021 nakukun ida falun diocese baucau no Creda Timor-Leste. Amo Bispo Dom Basilio do Nascimento hakotu i’is iha Hospital Nacional Guido Valadares condição ida ne halo Padre Alipio Pinto Gusmão nebe lolos atu assume cargo nudar Vigário Geraltem que assume fali Cargo foun nebe seidauk familiar iha Sarani timor-Leste nian, Cargo ne maka Administrador Diocesana.

Padre Alipio Pinto Gusmao

Atu hatene saida maka Administrador Diocesana no oinsa nia competência? Mai ita hare hamutuk expilcação balun husi Chanceler da Cúria Diocesana de Maliana, Padre Marçal Dias Ximenes tuir mai ne

I. Se mak adimistrador Diocesana/ Apostólico?iha Santa Igreja Católica, administrador diocesana ida ou administrador Apostólico ida maka Nai lulikou Bispo ida nebe maka administra Diocese ida wainhira iha situação “Sede Vacente”ou seidauk iha ninia Bispo residencial rasik. Quando Papa maka foti administrador ida, então naran administrador apostólicomaibe bainhira Colégio Consultores iha sede vacante maka hili, ne naran adminstrador diocesano. Quando sede vacante, Colégio Consultor maka compete hili Nailulik ida nebe eminente iha doutrina no prudência(cf.cán.425,§2) no complete ona tinan 35 (cf.cán.425. §1)

II. Administrador Diocesano ninia competência no obrigação. Wainhira iha situação Sede Vacante, Administrador Diocesano Compete atu;

  1. Confirma ou foti Nailulik nebe eleito legitimamente ou apresentado para oficio ruma iha paróquia (cf.cán.525. 1°);
  2. Nomea pároco sira maibe so depois de tinan ida sede vacante (cf.cán.525.2°);
  3. Adminstra Sacramento Crisma, mesmo nudar Nailulik, administrador mos bele fo faculdade ida ne ba Nailulik seluk hodi bele administra Sacramentoida ne (cann.882. 883, §1 no 884. §2);
  4. Hapara, para uma justa causa, vigários paroquiais sira bainhira prescreve direito iha caso especifíco ruma, por exemplo relaciona ho religioso sira (cann. 552 no 682. §2)
  5. Nudar membro Conferencia Episcopal, ho voto deliberetivo, ho exeção iha declaração doutrinais ruma nebe compete ba Bispo sira deit (cf. diretório para o ministerio pastoral dos Bispos n. 240 e 31)
  6. Iha acesso pessoalmente, para o caso verdadeiro necessidade, ba arquivo secreto Cúria nian (cf.cán.490, §2);
  7. Ho concentimento Colégio Consultores nian, bele fo cartadimissórias para ordena diáconos no precisa concentimentos Colégio Consultores nian;
  8. Por graave causa, bele hapara ecónomo maibe ne tem que ho concentimento Colégio Consultores no cConcelho Econômico nian (cf.cán.494, §2);
  9. Iha obrigação de residencia no Missa pro-populo (cf.cán.428)

III. Saida deit maka proibi ba administrador Diocesano atu labele halo:

  1. Labele confia/entrega entrega parórquia ba religiosos ruma (cf.cán.520, §1);
  2. Labele fo carta escardinação no incardinação ou licençaba Nailulik ruma hodi tranferencia ba Igreja particular seluk, a não ser “Sede Episcopal” nee Vacante liu ona tinan ida, maibe ida ne tem que ho consentimento husi Colégio Consultores sira (cf.cán.272);
  3. Labele hapara vigário judicial no vigário judicial adjunto sira (cf.cán1420, §5);
  4. Labele convoca sínodo diocesano (cf.cán.462, §1);
  5. Labele hari’i sarani sira nia assiociação pública ruma (cf.cán312, §1,3°);
  6. Labele hapara oficio Chanceler no notários nian a não ser ho consentimento husi Colégio Consultores sira (cf.cán.485).

IV. Bainhira maka Administrador Diocesano nia mandato hahu no remata?  Mandato Administrador Diocesano nian sei hahu (cf.cán..833) ho profissão da Fé perante Colégio Consultores no sei remata (cf.cán.430) ho :

  1. Ninia mate rasik
  2. Tomada de Posse Bispo foun nian
  3. Ninia renúncia rasik
  4. Remoção husi Santa Sé

RC. da Silva

Popular