PM TAUR: VACINA TO’O 70 %, ITA FILA BA NORMALIZAÇÃO

(RTKNews, Ed. 11-08-2021)-Primeiro Ministro Taur Matan Ruak iha discursso ba cerimonia Handover Vacina Astrazaneca husi Governo Australia ba Governo Timor-Leste iha edificio SAMES Kampung Alor Dili iha loron 11-08-2021 hateten, Campanha de vacinação maka dalan mesak atu minimiza riscos ba Timor oan sira no hakat ba fase normalização.
“ Ita define meta ida to’o 70% maka hetan ona vacinação ita bele fila fali ona ba normalização no ida ne possivel bainhira ita bele hetan vacina ne no ohin primeira vez ita hetan 300.000 dala ida deit nebe ofereçe husi Governo Australia” Dehan Primeiro Ministro.
Ex-Geurelhero ne hatutan, possibildade sira Timor-Leste hetan tulun husi país amigo sira no doadores no husi Primeiro nia parte, Estado no povo Timor Tomak hato’o agradecimento especial ba Governo Australia liu husi Emabixador iha Timor-Leste.
“Hau hatene katak Australia garante vacina Astrazaneca ba Timor hamutuk 1, 5 Milões to tinan ne remata. Agradeçe mos ba contribuição nebe fo liu husi Sistema Covax, Portugal, Japão, Nova Zelandia no país sira seluk nebe bele ajuda minimiza riscos iha vida população Timor-Leste nian” PM hateten
Iha biban hanesan Primeiro Ministro mos hato’o agradecimento ba parceiros sira liu-liu Organização Saúde Mundial (OMS) no UNICEF nebe colabora desde inicio to agora.
Primeiro Taur Matan Ruak hatutan, bao oin GOverno hakarak responsabiliza cidadão sira nebe la simu vacina ba sira nia risco vida rasik.
“Iha tempo badak Governo sei exige funcionarío público hotu-hotu katak ita boot sir abele tama serviço wainhira iha ona cartão de vacina. Exigência hanesan ne lao ona iha nação barak por exemplo iha Estados Unidos empresa sira bele ativo serviço ba sira nebe vacinado, ida nebe laiha hela iha uma to hasai sira husi serviço, provavelmente iha Timor ita sei uza ida ne, para que ita nia cidadão sira labele exige no acusa Governo deit maibe hotu-hotu temque sente hodi lao tuir motto saúde nian nebe dehan ita nia saúde iha ita nia liman rasik” Atual Presidente PLP ne hateten

Escritor :RC da Silva
Photographer: Pedro Jusareg

Popular