REITOR ISFIT: DOM BASILIO EMA IDA NEBE LIU HUSI MUNDO HALO DIAK NAFATIN

(RTKNews, Ed.31-10-2021)-Reitor Instituto Filósofia e Teologia Fatumeta, Padre Domingos Alves hateten iha nia homilia ba Missa maktoban Dom Basilio do Nascimento iha Igreja Se-Catedral Dili (31-10-2021) hateten , Dom Basilio do Nascimento ida nebe Passou pelo mundo fazendo bem liu iha mundo ne halo buat diak nafatin

“Nia mate iha nia serviço ba haklaken. Igreja começa buras ba dadauk tanba contribução ema que iha nia inteligência ida iluminado maibe iha mos nia fuan ida be osan mean. Ita conheçe Dom Basilio, laran luak, nia la uza deit nia kakutak,wainhira nia halo crítica ou koalia’ nia sukat no sempre halo reflexão nebe profunda maibe nia hola decisão la hola mesak tuir nia inteligência maibe tuir mos nia fuan” Dehan Reitor ISFIT ne

Padre Domingos mos hato’o nia admiração ba Dom Basilio nia maneira humor nebe halo ema hotu haksolok iha tempo no fatin nebe deit.

“Ita admira tebes ba nia nebe ho qualidade intelectuais nudar sarani ida, nudar Bispo ida, nudar cidadão ida nebe contribuí tebes ba ita nia nação ho ninia matenek no mia espirtualidade. Nia contrubui boot liu ba ita nia Igreja. Ho nia ita nia Igreja buras liu tan. Nia ajuda nia colega Padre sira no sai mos Presidente Conferência Episcopal, tulun Bispo nain rua seluk atu bele colabora malu hodi halo pastoral conjunto atu oinsa maka timor lao ba oin iha situaçao económica, política no social iha ita nia rai. Ba seminários sira nebe sira hakiak hamutuk, ba Instituto Filósofia e Teologia nebe Dom Basilio ho Bispo nain rua seluk mak hakiak, ita contente tanba sira halo buat diak mai ita ba ita nia sabedoria, ba ita nia inteligência no ita nia domin ba Maromak” hateten Padre Domingos Alves

Escritor: RC. Da Silva

 

Popular